ਕੀ ਕਹੋਂਗੇ ???????

ਸੁਣਿਆ ਭੀੜ ਭੜੱਕੇ 'ਚ
ਰੌਲੇ ਰੱਪੇ 'ਚ
ਕਿਸੇ ਮਾਂ ਦੀਆਂ ਸਧਰਾਂ ਕਤਲ ਹੋਗੀਆਂ

ਉਸੇ ਰੌਲੇ 'ਚ ਗੁਆਚ ਗਈ
ਉਹਦੀ ਉੱਖੜੀ ਹੋਈ ਚੀਖ਼
ਹੋ ਸਕਦਾ ਉਹਨੇ ਅਵਾਜ
ਮਾਂ ਨੂੰ ਹੀ ਮਾਰੀ ਹੋਵੇ

ਪਰ ਉਸ ਭੋਲੀ ਦੇ ਕੰਨੀ ਤਾਂ
ਗੋਲੀ ਦੀ ਅਵਾਜ ਹੀ ਪਹੁੰਚੀ
"ਮਾਂ" ਵਰਗਾ ਕੋਮਲ ਸ਼ਬਦ ਤਾਂ
ਲਤੇੜਿਆ ਗਿਆ ਹੋਣਾ
ਮੋਢੇ 'ਤੇ ਇਨ੍ਸਾਫ ਟੰਗੀ ਫਿਰਦਿਆਂ ਦੇ
ਪੈਰਾਂ ਹੇਠ

ਕੌਮ ਦਾ ਹੀਰਾ 'ਅਮਰ' ਹੋ ਸਕਦਾ
ਕਹਿ ਸਕਦੇ ਹੋਂ ਜਵਾਨ ਨੂੰ 'ਸ਼ਹੀਦ'
'ਹਲਾਕ' ਹੋ ਸਕਦਾ ਖਾੜਕੂ ਕੋਈ
ਪਰ ਉਹ ਖਬਰਾਂ ਆਲਿਓ.....
ਇੱਕ ਪੁੱਤ ਦੇ ਵਿਛੋੜੇ ਨੂੰ
ਕੀ ਕਹੋਂਗੇ ???????