ਹੋਂਦ

ਮੈਂ ਲੱਭਣ ਚੱਲਿਆਂ ਹਾਂ
ਸ਼ਾਇਦ ਵਕਤ ਲੱਗ ਜਾਵੇ
ਮੈਨੂੰ ਦੁਆਵਾਂ ਦਵੀਂ ਸੱਚੀਆਂ
ਕਿ ਮੇਰੀ ਹੋਂਦ ਲੱਭ ਜਾਵੇ

ਮੰਨ ਲਵਾਂ ਸੱਭ ਲਿਖੀਆਂ ਨੂੰ
ਲੱਗ ਜਾਵਾਂ ਲੜ ਕਿਸੇ ਦੇ
ਇਸ ਚੰਦਰੀ ਜਿਗਿਆਸਾ ਦਾ
ਜੜੋਂ ਮੁੱਕ ਹੀ ਯੱਬ ਜਾਵੇ

ਮੇਰੀਆਂ ਅੱਖਾਂ ਚੁੰਧਿਆ ਦਿੱਤੀਆਂ
ਇਸ ਦੁਨੀਆ ਦੇ ਚਾਨਣ ਨੇ
ਰੂਹ ਤੀਕਰ ਨ੍ਹੇਰ ਪਿਆ
ਕਾਸ਼! ਕੋਈ ਦਿਵਾ ਜਗ ਜਾਵੇ

ਕਦੇ ਕਾਗਜ਼ੀ ਟੁਕੜਿਆਂ ਨੂੰ
ਪੱਥਰਾਂ ਨਾਲ ਹੈ ਢਕ ਦੇਂਦਾ
ਕਦੇ ਪੱਥਰਾਂ ਦੇ ਟੁਕੜਿਆਂ 'ਤੇ
ਕਾਗਜ਼ ਚੜ੍ਹਾਉਣ ਲੱਗ ਜਾਵੇ

ਬੜਾ ਅੱਕ ਚੁੱਕਾ ਹਾਂ ਮੈਂ
ਇੰਝ ਸ਼ੱਕ ਜਿਹੇ ਕਰ ਕਰ ਕੇ
ਅੱਜ ਸਭੇ ਚੱਕ ਦੇਵੋ ਪਰਦੇ
ਕਿ ਰੱਬ ਮੇਰਾ ਲੱਭ ਜਾਵੇ

ਸੱਭ ਰਿਸ਼ਤੇ ਨਿਭਾ ਦਿੱਤੇ
ਮੈਂ ਸੱਭ ਤਮਗੇ ਲਵਾ ਲਿੱਤੇ
ਹੁਣ ਮੈਨੂੰ ਜਾਣ ਦੋ ਕਬਰੀਂ
ਕਿ ਕੋਈ ਘਰ ਵੀ ਲੱਭ ਜਾਵੇ

-------ਜੀਵਨ------

 Pic by: Ujwala Prabhu