ਤਿੰਨ ਉਂਗਲਾਂ ਰੱਖ ਗੁੱਟ ਉੱਤੇ
ਨਬਜ਼ ਟੋਲ ਰਿਹਾ ਹਾਂ
ਰੂਹ ਨੂੰ ਬੋਲਿਆਂ ਵਰਿਆਂ ਬੀਤੇ
ਅੱਜ ਕੱਲ ਮੁਰਦਾ ਬੋਲ ਰਿਹਾ ਹਾਂ
ਜੋ ਕਹਿਣਾ ਸੀ ਕਹਿ ਨਾ ਪਾਇਆ
ਜੋ ਕਿਹਾ, ਉਹ ਕਹਿਣਾ ਨਾ ਚਾਹਿਆ
ਬਾਕੀ ਉਮਰ ਕੀ ਮੈਂ ਕੀਤਾ ?
ਇਹੀਓ ਟੋਲ ਰਿਹਾ ਹਾਂ
ਰੂਹ ਨੂੰ ਬੋਲਿਆਂ ਵਰਿਆਂ ਬੀਤੇ
ਅੱਜ ਕੱਲ ਮੁਰਦਾ ਬੋਲ ਰਿਹਾ ਹਾਂ
ਬੱਚੇ ਛੋਇਆ ਬਚਪਨ ਜਾ ਬੈਠਾਂ
ਮੋਡਾ ਹਲੁਣਿਆ, ਮੁੜ "ਆ" ਬੈਠਾਂ
ਵਿੱਚ-ਵਿਚਾਲੇ ਦੁਨੀਆ-ਦਾਰੀ
ਭਰ ਭਰ ਢੋਲ ਰਿਹਾ ਹਾਂ
ਰੂਹ ਨੂੰ ਬੋਲਿਆਂ ਵਰਿਆਂ ਬੀਤੇ
ਅੱਜ ਕੱਲ ਮੁਰਦਾ ਬੋਲ ਰਿਹਾ ਹਾਂ
"ਤੁੰ ਬੁਰਾ" ਸਭ ਦੁਨੀਆ ਕਹਿੰਦੀ
ਫੱਟ ਲੱਗੇ ਤੇ ਹੁਣ ਰਤ ਨਾ ਵਹਿੰਦੀ
ਜੋ ਤੂੰ ਨਾ ਮੰਨਿਆ, ਜਿਸ ਤੋਂ ਸਭ ਮੁੱਕਰੇ
ਭੇਦ ਉਹੀਓ ਖੋਲ ਰਿਹਾ ਹਾਂ
ਰੂਹ ਨੂੰ ਬੋਲਿਆਂ ਵਰਿਆਂ ਬੀਤੇ
ਅੱਜ ਕੱਲ ਮੁਰਦਾ ਬੋਲ ਰਿਹਾ ਹਾਂ
No comments:
Post a Comment